You should learn from competitors - Jack ma

You should learn from competitors - Jack ma


Little vinayaka with shiva lingam

Little vinayaka with shiva lingam

Vadapalani Aandavar

Vadapalani Aandavar


Vadapalani Aandavar
https://kkarthikrajadevotional.blogspot.com/
K.Karthik Raja's Devotional Collections
https://kkrgayathrimanthras.blogspot.com/
https://kkarthikrajadevotional.blogspot.com/
#kkarthikrajadevotionalcollections #chanting #om
#devotionalcollections #kkarthikraja #god #slogas #mantras
#hindugods #lordshiva #lordmuruga #Vinayaka #viratham
#lordsaraswathi #lordvishnu #thirupathi #thiruvannamalai
#gayatrimantra

கார்த்திகை தீபம் ஏற்றப்படுவது எப்படி?

கார்த்திகை தீபம் ஏற்றப்படுவது எப்படி?

உலகத்திற்கு ஒளிக்கொடுக்கும் தீபமாக இந்த கார்த்திகை தீபம் கருதப்படுகிறது. கார்த்திகை தீபம் ஏற்றப்படுவதில் பல்வேறு ஐதீகங்கள் கடைப்பிடிக்கப்படுகின்றன.


     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753

திருவண்ணாமலை கார்த்திகை தீபம்
திருவண்ணாமலையில் ஏற்றப்படும் கார்த்திகை தீபம் உலகப்புகழ் பெற்றது. உலகத்திற்கு ஒளிக்கொடுக்கும் தீபமாக இந்த கார்த்திகை தீபம் கருதப்படுகிறது. கார்த்திகை தீபம் ஏற்றப்படுவதில் பல்வேறு ஐதீகங்கள் கடைப்பிடிக்கப்படுகின்றன. இந்த ஆண்டு கார்த்திகை தீபம் இன்று ஏற்றப்பட உள்ளது. அன்று அதிகாலை 4 மணிக்கு பரணி தீபம் ஏற்றுவார்கள். மாலை 6 மணிக்கு மகாதீபம் ஏற்றப்படும்.

பரணி தீபம் என்பது நமக்கு பொன், பொருள், ஆஸ்தி, அந்தஸ்து உள்பட அனைத்து வகை செல்வங்களையும் தரக்கூடியது. இந்த பிறவிக்கு தேவையான அனைத்து வகை செல்வங்களையும் பரணி தீபம் தரும்.


ஆனால் மகாதீபம் என்பது மோட்சத்தை தரக்கூடியது. பிறவி பிணி நீங்கி வீடுபேறு பெறவேண்டும் என்று ஆசைப்படும் ஒவ்வொருவரும் மகாதீபத்தை நேரில் கண்டு வழிபடவேண்டும்.

இத்தகைய சிறப்பான இந்த இரு தீபங்களும் திருவண்ணாமலை தலத்தில் எப்படி ஏற்றப்படுகிறது என்பதை நீங்கள் தெரிந்துக்கொள்ள வேண்டும்.
கார்த்திகை தீபத்தன்று அதிகாலை 3 மணிக்கெல்லாம் நடை திறந்துவிடுவார்கள். முதலில் கருவறை அண்ணாமலையார் லிங்கத்திற்கு சிறப்பு அபிஷேகங்கள் செய்யப்படும். பிறகு கருவறை முன்புள்ள பிரதோஷச மண்டபத்தில் பரணி தீபம் ஏற்றுவதற்கான ஏற்பாடுகள் செய்யப்படும்.

பரணி நட்சத்திர நேரத்தில் இந்த தீபம் ஏற்றப்படுவதால் இதற்கு பரணி தீபம் என்று பெயர். இதற்காக அந்த மண்டபத்தில் ஹோமம் வளர்க்கப்படும். அதில் இருந்து ஒரு தீபம் ஏற்றப்படும். பிறகு அந்த தீபத்தில் இருந்து ஐந்து மடக்குகளில் தீபம் ஏற்றுவார்கள்.

சிவபெருமான் ஐந்து தொழில்களை செய்பவர் என்பதை குறிக்கும் வகையில் ஐந்துமுகங்கள் கொண்டவர் என்பதை பிரதிபலிக்கும் வகையில் ஐந்து மடக்கு தீபங்கள் இருக்கும். சிவாச்சாரியார்கள் வேத மந்திரங்கள் முழங்க இந்த தீபம் ஏற்றப்படும். அதன்பிறகு கருவறை லிங்கத்திற்கு நிறைய கற்பூரங்கள் வைத்து தீபம் காட்டப்படும். அந்த தீபத்தை பிரதோஷ மண்டபத்திற்கு கொண்டு வருவார்கள். ஐந்து மடக்குகளில் உள்ள தீபத்திற்கு கற்பூர ஆரத்தி காட்டப்படும்.
பிறகு அந்த பஞ்சமுக தீபத்தை இரண்டாவது பிரகாரம் வழியாக எடுத்து வந்து உண்ணாமலையம்மன் சன்னதிக்கு செல்லும் வாசல் வழியாக வந்து மலையை நோக்கி காண்பிப்பார்கள்.

இதைதொடர்ந்து பஞ்சமுக தீபங்களில் ஒரு தீபம் உண்ணாமலையம்மன் சன்னதியில் வைக்கப்படும். அந்த தீபத்தில் இருந்து சாந்திகலா, சாந்ததீத கலா, வித்தியாகலா, பிரதிஷ்டா கலா, நிவர்த்திகலா என்ற ஐந்து முக தீபங்கள் ஏற்றப்படும். அதன்பிறகு விநாயகர் முதல் சொர்ணபைரவர் சன்னதி வரை தீபங்கள் கொண்டு சென்று வைக்கப்படும்.

இதைத்தொடர்ந்து பிரம்ம தீர்த்தத்தில் அன்று பகல் தீர்த்தவாரி நடைபெறும். 11 மணி அளவில் பருவத ராஜக்குலத்தை சேர்ந்தவர்கள் ஆலயத்திற்கு வருவார்கள். அவர்களுக்கு ஆலய அலுவலகத்தில் மாலை அணிவித்து சிறப்புகள் செய்யப்படும். இதற்கிடையே ஏற்கனவே சன்னதிகளில் வைத்த தீபங்கள் ஒன்றாக சேர்க்கப்படும். அதை எடுத்து வந்து தயார்நிலையில் வைத்திருப்பார்கள்.

அந்த தீபம் பருவத ராஜகுல பிரதிநிதிகளிடம் ஒப்படைக்கப்படும். அதை அவர்கள் மலைக்கு எடுத்து செல்வார்கள். சுமார் 3 மணி நேர நடைபயணத்திற்கு பிறகு அவர்கள் மலை உச்சிக்கு சென்று அடைவார்கள். மலை உச்சியில் ஏற்கனவே பிரம்மாண்ட தீப கொப்பரை தயார் நிலையில் இருக்கும்.

நெய் ஊற்றி கடாதுணி சுற்றிவைக்கப்பட்டு தீபம் ஏற்றவதற்கு தயார்நிலையில் அது வைக்கப்பட்டிருக்கும். அங்கு சென்று பருவத ராஜகுல பிரதிநிதிகள் தீபம் ஏற்றும் பணிகளை தொடங்குவார்கள். 5 மணிக்கெல்லாம் அவர்கள் தீபம் ஏற்றுவதற்கான எல்லா ஏற்பாடுகளையும் செய்துவிட்டு தயாராக இருப்பார்கள்.
இந்தநிலையில் அண்ணாமலையார் ஆலயத்திலும் தீபம் ஏற்றுவதற்கான பணிகள் தொடங்கும். ஐந்து மணிக்கு பிறகு பஞ்ச மூர்த்திகள் ஒவ்வொருவராக ஆலயத்திற்குள் இருந்து வெளியில் வரதொடங்குவார்கள். அதாவது திருவண்ணாமலை ஆலயத்தில் 2-வது பிரகாரத்தில் இருந்து 3-வது பிரகாரத்திற்கு வருவார்கள். 3-வது பிரகாரம் நல்ல விசாலமானது.

பல்லாயிரக்கணக்கான மக்கள் அந்த பிரகாரத்தில் அமர முடியும். அந்த பிரகாரத்தில் சுற்றுச்சுவர்களின் மேல் நூற்றுக்கணக்கானவர்கள் அமரக்கூடிய வசதி உடையது. அந்த பிரகாரத்தின் மையப்பகுதியில் மங்கையர்கரசி மண்டபம் உள்ளது. மங்கையர்கரசி கட்டியதால் அந்த மண்டபத்திற்கு அந்த பெயர் வந்துள்ளது. இந்த மண்டபத்தை தீபத்தரிசன மண்டபம் என்றும் சொல்வார்கள்.

இந்த மண்டபத்தில் இருந்து பார்த்தால் மலை உச்சி நல்ல தெளிவாக தெரியும். இந்த மண்டபத்திற்கு தான் பஞ்ச மூர்த்திகளும் அணிவகுத்து வருவார்கள். பஞ்ச மூர்த்தி என்பவர்கள் விநாயகர், முருகர், சுவாமி, அம்பாள், சண்டிகேஸ்வரர் ஆகிய ஐந்து பேர்களை குறிக்கும். முதலில் தங்க வாகனத்தில் விநாயகர் வருவார். அவரை தொடர்ந்து தங்க வாகனத்தில் முருகப்பெருமான் எழுந்து அருள்வார். அதன்பிறகு அண்ணாமலையாரும், உண்ணாமலை அம்பாளும் வருவார்கள். இறுதியில் வாகனத்தில் சண்டிகேஸ்வரர் வருகை தருவார். பஞ்ச மூர்த்திகள் ஐந்து பேரும் மலையை பார்க்கும் வகையில் அந்த மண்டபத்தில் வரிசையாக அமர வைக்கப்படுவார்கள்.

சுமார் 5.58 மணிக்கு 2-ம் பிரகாரத்தில் இருந்து அர்த்தநாரீஸ்வரர் துள்ளாட்டம் போட்டப்படி வெளியில் வருவார். ஆண்டுக்கு ஒரு தடவை தீபத்தினத்தன்று மட்டுமே இவர் வெளியில் வருகிறார் என்பது குறிப்பிடத்தக்கது.

அவர் வெளியில் வரும்போதே மலையை பார்த்தப்படி வருவார். பிறகு பஞ்ச மூர்த்திகளுக்கும் காட்சிக்கொடுப்பார். 2 நிமிடம் தான் அவர் வெளியில் இருப்பார். பிறகு அவர் உள்ளே சென்றுவிடுவார். சிவனும்- சக்தியும் ஒன்றே என்ற தத்துவத்தை அவர் உணர்த்திவிட்டு சென்றதும் அகண்ட தீபத்தில் இருந்து தீபம் ஏற்றி மலை உச்சியை நோக்கி காட்டுவார்கள்.

எலாய் என்ற தீபம் மூலம் மலை உச்சிக்கு சிக்னல் காட்டப்படும். எலாய் என்பது வட்ட வடிவில் இருக்கும் தீபமாகும். சுமார் 11 எலாய் தீபம் தயாராக வைத்து இருப்பார்கள். அந்த எலாய் தீபங்களை அப்படியும், இப்படியுமாக அசைத்து காட்டுவார்கள்.

ஆலயத்திற்குள் இருந்து சிக்னல் காட்டப்பட்டதும் மலை உச்சியில் சரியாக 6 மணிக்கு மகாதீபம் ஏற்றப்படும். பருவத ராஜகுலத்தை சேர்ந்தவர்கள் அந்த மகா தீபத்தை ஏற்றுவார்கள். இதற்காக திருண்ணாமலையில் பருவத ராஜகுலத்தை சேர்ந்த குடும்பத்தினர் உள்ளனர். அவர்கள் ஆண்டுக்கு ஒரு முறை சுழற்சி முறையில் மகாதீபத்தை ஏற்றுவது குறிப்பிடத்தக்கது.

மகாதீபம் ஏற்றப்பட்டதும் திருவண்ணாமலையில் திரண்டு இருக்கும் லட்சக்கணக்க மக்கள் அண்ணாமலையாருக்கு அரோகரா... உண்ணாமலை அம்மனுக்கு அரோகரா... என்று விண்அதிர கோஷம் எழுப்புவார்கள். அந்த சமயத்தில் ஆலயத் தின் ஒரு பகுதியில் வான வேடிக்கைகள் நடத்தப்படும். ஆலயம் முழுவதும் மின்சார அலங்கார விளக்குகள் கண்களுக்கு விருந்தளிக்கும் வகையில் எரிய தொடங்கும்.

ஆலயத்தில் உள்ள 9 கோபுரங்கள் கணக்கில் அடங்காத சன்னதிகள், மண்டபங்கள், 30 அடி உயரம் கொண்ட சுற்றுச்சுவர்கள் என திரும்பிய திசையெல்லாம் மின்சார அலங்கார விளக்குகள் திருவண்ணாமலை தலத்தை சொர்க்க புரிபோல் மாற்றி இருக்கும்.

அந்த புத்துணர்ச்சியுடன் மலை உச்சியில் எரியும் மகாதீபத்தை கண்டு பக்தர்கள் வழிபடுவார்கள். அதோடு திருவண்ணாமலை முழுக்க ஆங்காங்கே தெருக்களிலும், சாலையோரங்களிலும் பக்தர்கள் சிறு சிறு அகல் விளக்குகளை ஏற்றி வைத்து வழிபாடு செய்வார்கள். அதன்பிறகு லட்சக்கணக்கான பக்தர்கள் கிரிவலத்தை மேற்கொள்வார்கள். மகாதீபத்தை பார்த்து கும்பிட்டு கொண்டே கிரிவலம் வருவது என்பது தனி சுகமானது. அந்த சுகத்தை திருவண்ணாமலை தலத்தில் மட்டுமே அனுபவிக்க முடியும்.

உயிரைக் காக்கும் ரட்சையும் (கையில் அணியப்படும் கயிறு)

உயிரைக் காக்கும் ரட்சையும் (கையில் அணியப்படும் கயிறு)

அதனை செய்து பயன்படுத்தும் முறையும்.....

மந்திரித்த முடிக்கயிறுகள்...!!!



     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753

ஒரு மனிதனுடைய ஜனன ஜாதகத்தில் ஆறாவது இடம்தான் கடன், நோய், எதிரி மற்றும் வழக்குகளைப் பற்றிச் சொல்லும் பாவகமாகக் கருதப்படுகிறது. அவ்வகையில் ஆறு வாரங்கள் அல்லது சதுர்த்தி திதிகளில் கடன் தீர்க்கும் கணபதிக்கு பூஜை செய்ய வேண்டும் என்று சொல்லக் காரணம் குறிப்பிட்ட 6ம் ஸ்தானம் பாவக்கிரஹங்களின் ஆதிக்கத்தில் இருப்பதுதான். ஆறுமுறை வழிபடுவதால் படிப்படியாகக் கடன்சுமை குறைந்து மகிழ்ச்சி அடையலாம்.

பண்டை நாட்களில் அரசர்கள், சத்ரு மற்றும் ருணரோக நிவாரண ரட்சைகளைக் கட்டிக்கொண்டு நலம் பெற்றார்கள். இன்றும் அதிகமாக இலங்கையில் சிங்கள சகோதர்களில் இந்த பழக்கம் உண்டு.

பல கோவில்களில், தர்காக்களில், மாந்திரீகர்களிடத்தில் பலர் மந்திரிக்கப்பட்ட முடிக்கயிறுகளை வாங்கி அணிந்திருப்பதை காணலாம். தேர்ந்த மந்திர உபாசனை உள்ளவர்கள் கொடுத்தால் மட்டுமே இது வேலை செய்யும். இதை பற்றி நன்கு ஆராய்ந்திருக்கிறேன். சிலர் இதனால் பயன் இல்லை என்று அறியாமையில் சொல்வதுண்டு. இதற்கு அறிவியல் ரீதியாகவும் விளக்கம் கொடுக்க என்னால் முடியும். நமது கைகளில் உள்ள நாடியில் தான் உடலில் உள்ள வாதம்,பித்தம், கபம் போன்றவற்றை அறிய முடியும்.மேலும் நாடியில் கிரகங்கள் சூரியன்,சந்திரன் மற்றும் குரு அமைந்துள்ளன. ஆகவே சிகப்பு,வெள்ளை, மஞ்சள் போன்ற முடிக்கயிறுகள் நம் நாடியில் பட்டு வர பல்வேறு பலன்கள் உண்டாகும். சிகப்பு அனுமனுக்கும் உகந்தது,மேலும் உடல் கோளாறுகள், மன கோளாறுகள் நீக்குவதிலும் இது சிறந்த பங்கு வகிக்கிறது.

 குறிப்பிட்ட வண்ணத்தை குறிப்பிட்ட தேவைக்கு ஏற்றவாறு தேர்ந்தெடுத்து தேவையான பீஜ மந்திரங்களை குறிப்பிட்ட எண்ணிக்கையில் உச்சரித்தவாரே முடி போடுதல் தான் முடிக்கயிறு. இதன் மூலம் பல காரியங்களை செய்ய முடியும். கருப்பு நிற கயிறு திருஷ்டி, குழந்தைகளின் தோஷங்கள், கிரக தோஷங்கள் மற்றும் செய்வினை போன்றவற்றிற்கும், சிவப்பு நிற கயிறு பல வித சித்து, வசியம் மற்றும் அதிர்ஷ்டத்திற்கும் உபயோகப்படுத்தலாம். தெய்வீக சக்திகளை பெற, சுபமுண்டாக ஆரஞ்சு மற்றும் மஞ்சள் கயிரும்,வெள்ளை உடலில் சக்திகள் விரயமாகாமல் தடுப்பதற்கும் பயன் படுத்த வேண்டும்.

 சித்தர்கள், மாமுனிகள் பல முன்னோர்கள் புஜத்தில், கழுத்தில் மற்றும் கணுக்காலில் முடிக்கயிறுகள் உபயோகித்து வந்ததை நாம் யாவரும் அறிந்திருப்போம். 36,108,1008 என பல்வேறு எண்ணிக்கையில் முடிக்கயிறு இடலாம். இவற்றின் சக்தி குறிப்பிட்ட  கால அளவே இருக்கும்.பின்பு மாற்றி விட வேண்டும்.சூரிய உதயத்திற்கு முன் விடிகாலையில் சுத்தத்துடன் கட்டுபவரும், கட்டப்படுபவரும் வடக்கு முகமாக நின்று கட்ட சக்தி மிகும்.கிரகங்களுக்காக கட்டி கொள்வதென்றால் ஞாயிறு சிகப்பும், திங்கள் கிழமை வெள்ளையும், வியாழக்கிழமை மஞ்சளும் நாமே கட்டி கொள்ளலாம்.பலன் தரும். இது போன்று விபூதி, குங்குமம் போன்றவற்றில் சக்திகள் ஏற்றி கொடுப்பதும் முறையில் உள்ளன.

அதேபோல சாதாரண மனிதர்களும் எளிய முறையில் ருணரோக நிவாரண ரட்சைகளை செய்து கைகளில் அணிந்து கொள்ளலாம். ரட்சை என்றால் உயிரைக் காப்பது என்று பொருள். இது சாதாரண வண்ணக் கயிறு போன்று இன்று பல இடங்களில் முறையற்ற வகையில் விற்கப்படுகிறது. 3x3 அளவுள்ள தாமிரத் தகட்டில், பலன் வேண்டி எந்தக் கடவுளை பூஜை செய்கிறோமோ, அந்தக் கடவுளின் பீஜாட்சரத்தை எழுதி, அதில் 16 முடிச்சுகள், 7 முடிச்சுகள் இட்ட சிவப்பு அல்லது பஞ்சவர்ணக் கயிறை வைத்து பூஜை செய்து ஒரு வட்டமான டப்பாவில் வைத்து பூஜை அறையில் வைத்து வணங்க வேண்டும்.

பிறகு, வெளியே செல்லும்போது கயிறைக் கையில் கட்டிக்கொண்டு செல்வது முறை. இப்படியாக ரட்சையைச் செய்து அறுகம்புல், செவ்வரளி, வில்வம் மற்றும் முல்லை மலரால் அர்ச்சனை செய்து வந்தால் கடன், நோய், எதிரி மற்றும் வழக்கு போன்ற எப்படிப்பட்ட பிரச்சனையையும் சமாளித்து நிம்மதிப் பெருமூச்சு விடலாம்.

ஓம் கங் கணபதையே நமஹ !!
ஓம் க்ரீம் காளியை நமஹ !!
ஓம் ஸ்த்ரீம் தாராயை நமஹ !!
ஓம் ஹ்ரீம் நமசிவாய !!

      - திருமந்திர whatsaap வகுப்பில் இருந்து   
        சித்தர்களின் குரல் shiva shangar

திசை நோக்கி தீபம் ஏற்றினால் கஷ்டம் தீரும்

திசை நோக்கி தீபம் ஏற்றினால் கஷ்டம் தீரும்


     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753


பர்மா அத்தோ Burma-Atho.

பர்மா அத்தோ Burma-Atho.
பர்மா உணவு அத்தோ செய்யலாம் வாங்க


     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753

வீட்டிலேயே மிக எளிமையாக செய்யக்கூடிய அத்தோ என்னும் பர்மீஸ் உணவை எப்படி செய்வது என்று பார்க்கலாம்..

அத்தோ
தேவையான பொருட்கள்:

நூடுல்ஸ் - 200 கிராம்

 பூண்டு - 10
பெரிய வெங்காயம் - 2
முட்டைக்கோஸ் - ஒரு கப்
கேரட் - ஒரு கப்
எலுமிச்சை சாறு - ஒரு டீஸ்பூன்
புளி கரைசல் - ஒரு டேபிள் ஸ்பூன்
கேசரி பவுடர் - ஒரு சிட்டகை
காய்ந்த மிளகாய் துகள் - தேவையான அளவு
தட்டை - 2
கொத்தமல்லித்தழை - சிறிதளவு
எண்ணெய், உப்பு - தேவையான அளவு

செய்முறை:

கொத்தமல்லி, வெங்காயத்தை பொடியாக நறுக்கி கொள்ளவும்.

முட்டை கோஸ், கேரட்டை மெல்லிதாக நீளவாக்கில் வெட்டிக்கொள்ளவும்.

முதலில் பாத்திரத்தில் தண்ணீர் ஊற்றி கொதி வந்ததும் நூடுல்ஸ், கேசரி பவுடர், உப்பு போட்டு வேகவிடவும். வெந்ததும் தண்ணீர் முழுவதையும் வடித்து விட்டு அதில் எண்ணெய்விட்டு கிளறி தனியாக வைக்கவும்.

ஒரு வாணலியில் எண்ணெய் ஊற்றி பூண்டு போட்டு வறுத்து தனியாக வைக்கவும்.

அதேபோல் பாதி வெங்காயத்தை வறுத்து தனியாக வைக்கவும்.

ஒரு பெரிய பாத்திரத்தில் நூடுல்ஸ், நறுக்கிய வெங்காயம், முட்டைக்கோஸ், கேரட், :எலுமிச்சை சாறு, நல்லெண்ணெய், புளி கரைசல், காய்ந்த மிளகாய் துகள், உப்பு, உடைத்த தட்டு வடை, கொத்தமல்லித்தழை, பொரித்த பூண்டு, வறுத்த வெங்காயம் சேர்த்து நன்றாக கிளறவும்.

சுவையான அத்தோ ரெடி..!

வெண்டைக்காய் சாப்ஸ் - Bhindi-Chops

வெண்டைக்காய் சாப்ஸ் - Bhindi-Chops


     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753

தயிர் சாதம், சாம்பார் சாதத்துடன் சேர்த்து சாப்பிட அருமையாக இருக்கும் இந்த வெண்டைக்காய் சாப்ஸ். இன்று இந்த ரெசிபி செய்முறையை பார்க்கலாம்.

வெண்டைக்காய் சாப்ஸ்
தேவையான பொருட்கள் :

வெண்டைக்காய் - கால் கிலோ

 கடலை மாவு - அரை கப்
அரிசி மாவு - அரை கப்
மிளகாய்த்தூள் - 2 டீஸ்பூன்
மஞ்சள்தூள் - கால் டீஸ்பூன்
எண்ணெய், உப்பு - தேவையான அளவு

 வெண்டைக்காய் சாப்ஸ்

செய்முறை:

வெண்டைக்காயை சிறிதாக நறுக்கி உலர வைத்துக்கொள்ளவும்.

அகன்ற பாத்திரத்தில் கடலை மாவு, அரிசி மாவு, மஞ்சள் தூள், மிளகாய் தூள், உப்பு ஆகியவற்றை ஒன்றாக கொட்டி கிளறிக்கொள்ளவும்.

பின்னர் அந்த கலவையுடன் வெண்டைக்காய் துண்டுகளை போட்டு புரட்டிக்கொள்ளவும்.

வாணலியில் எண்ணெய் ஊற்றி சூடானதும் வெண்டைக்காய் கலவையை உதிரியாக போட்டு பொரித்தெடுக்கவும்.

சூப்பரான வெண்டைக்காய் சாப்ஸ் ரெடி.

ஸ்ரீ சுப்ரமணியர் காயத்ரி மந்திரம் - Lord Muruga-Gayatri-Mantra.

ஸ்ரீ சுப்ரமணியர் காயத்ரி மந்திரம் - Lord Muruga-Gayatri-Mantra.

முருக பெருமானின் மற்றொரு பெயரான ஸ்ரீ சுப்ரமணியருக்கு உகந்த காயத்ரி மந்திரத்தை 27 முறை அல்லது 108 முறை உரு ஜெபித்தால் நீங்கள் எண்ணிய காரியங்கள் ஈடேறும்.



     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753

முருகன்
ஓம் சரவணா பாவாய நமஹ
ஞான சக்திதரா ஸ்கந்தா வள்ளி கல்யாண சுந்தரா
தேவசேனா மணா ஹ்காண்ட கார்திகேய

 நமோஸ்துதே ஓம் சுப்ரமண்யாய நமஹ

முருக பெருமானின் மற்றொரு பெயரான ஸ்ரீ சுப்ரமணியரின் காயத்ரி மந்திரம் இது. இந்த மந்திரத்தை மாதம் தோறும் வரும் “கிருத்திகை” நட்சத்திர தினத்தன்று காலை, மதியம், மாலை என மூன்று வேளையும் துதிக்கலாம். கிருத்திகை நட்சத்திர தின மாலை வேளையில் முருகன் கோவிலுக்கு சென்று, முருகனுக்கு அர்ச்சனை செய்து இந்த மந்திரத்தை 27 முறை அல்லது 108 முறை உரு ஜெபித்தால் நீங்கள் எண்ணிய காரியங்கள் ஈடேறும். தொழில், வியாபாரங்களில் எதிரிகளால் ஏற்படும் தொல்லைகள் நீங்கும். குழந்தைப்பேறு இல்லாதவர்களுக்கு நல்ல ஆரோக்கியமான குழந்தை பிறக்கும்.

தேய்பிறை அஷ்டமி திதி - ஸ்ரீ பைரவர் 108 போற்றி

தேய்பிறை அஷ்டமி திதி - ஸ்ரீ பைரவர் 108 போற்றி
Bhairavar-108-potri.

தேய்பிறை அஷ்டமி திதியில் சொல்ல வேண்டிய ஸ்ரீ பைரவர் 108 போற்றி


     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753

தேய்பிறை அஷ்டமி திதியில் பைரவர் வழிபாடு செய்வது பயத்தைப் போக்கி, வாழ்வில் தன்னம்பிக்கையைத் தரும். இந்த நாளில் மாலை 4.30-6.00 மணிக்குள் திருவிளக்கேற்றி வீட்டிலேயே இந்த போற்றியைச் சொல்லலாம்.

பைரவர்
தேய்பிறை அஷ்டமி திதியில் பைரவர் வழிபாடு செய்வது பயத்தைப் போக்கி, வாழ்வில் தன்னம்பிக்கையைத் தரும். இந்த நாளில் மாலை 4.30-6.00 மணிக்குள் திருவிளக்கேற்றி வீட்டிலேயே இந்த போற்றியைச் சொல்லலாம்.

ஓம் பைரவனே போற்றி
ஓம் பயநாசகனே போற்றி
ஓம் அஷ்டரூபனே போற்றி

 ஓம் அஷ்டமித் தோன்றலே போற்றி
ஓம் அயன்குருவே போற்றி
ஓம் அறக்காவலனே போற்றி
ஓம் அகந்தையழிப்பவனே போற்றி
ஓம் அடங்காரின் அழிவே போற்றி
ஓம் அற்புதனே போற்றி
ஓம் அசிதாங்க பைரவனே போற்றி
ஓம் ஆனந்த பைரவனே போற்றி
ஓம் ஆலயக்காவலனே போற்றி
ஓம் இன்னல் பொடிப்பவனே போற்றி
ஓம் இடுகாட்டில் இருப்பவனே போற்றி
ஓம் உக்ர பைரவனே போற்றி
ஓம் உடுக்கை ஏந்தியவனே போற்றி
ஓம் உதிரம் குடித்தவனே போற்றி
ஓம் உன்மத்த பைரவனே போற்றி
ஓம் உறங்கையில் காப்பவனே போற்றி
ஓம் ஊழ்வினை தீர்ப்பவனே போற்றி
ஓம் எல்லை தேவனே போற்றி
ஓம் எளிதில் இரங்குபவனே போற்றி
ஓம் கபாலதாரியே போற்றி
ஓம் கங்காளமூர்த்தியே போற்றி
ஓம் கர்வ பங்கனே போற்றி
ஓம் கல்பாந்த பைரவனே போற்றி
ஓம் கதாயுதனே போற்றி
ஓம் கனல்வீசும் கண்ணனே போற்றி
ஓம் கருமேக நிறனே போற்றி
ஓம் கட்வாங்க தாரியே போற்றி
ஓம் களவைக் குலைப்போனே போற்றி
ஓம் கருணாமூர்த்தியே போற்றி
ஓம் கால பைரவனே போற்றி
ஓம் காபாலிகர் தேவனே போற்றி
ஓம் கார்த்திகையில் பிறந்தவனே போற்றி
ஓம் காளாஷ்டமிநாதனே போற்றி
ஓம் காசிநாதனே போற்றி
ஓம் காவல்தெய்வமே போற்றி
ஓம் கிரோத பைரவனே போற்றி
ஓம் கொன்றைப்பிரியனே போற்றி
ஓம் சண்ட பைரவனே போற்றி
ஓம் சட்டை நாதனே போற்றி
ஓம் சம்ஹார பைரவனே போற்றி
ஓம் சங்கடம் தீர்ப்பவனே போற்றி
ஓம் சிவத்தோன்றலே போற்றி
ஓம் சிவாலயத்து இருப்போனே போற்றி
ஓம் சிக்ஷகனே போற்றி
ஓம் சீர்காழித்தேவனே போற்றி
ஓம் சுடர்ச்சடையனே போற்றி
ஓம் சுதந்திர பைரவனே போற்றி
ஓம் சிவ அம்சனே போற்றி
ஓம் சுவேச்சா பைரவனே போற்றி
ஓம் சூலதாரியே போற்றி
ஓம் சூழ்வினை அறுப்பவனே
போற்றி
ஓம் செம்மேனியனே போற்றி
ஓம் ளக்ஷத்ரபாலனே போற்றி
ஓம் தட்சனை அழித்தவனே போற்றி
ஓம் தலங்களின் காவலனே போற்றி
ஓம் தீது அழிப்பவனே போற்றி
ஓம் துர்சொப்பன நாசகனே போற்றி
ஓம் தெற்கு நோக்கனே போற்றி
ஓம் தைரியமளிப்பவனே போற்றி
ஓம் நவரச ரூபனே போற்றி
ஓம் நரசிம்ம சாந்தனே போற்றி
ஓம் நள்ளிரவு நாயகனே போற்றி
ஓம் நரகம் நீக்குபவனே போற்றி
ஓம் நாய் வாகனனே போற்றி
ஓம் நாடியருள்வோனே போற்றி
ஓம் நிமலனே போற்றி
ஓம் நிர்வாணனே போற்றி
ஓம் நிறைவளிப்பவனே போற்றி
ஓம் நின்றருள்வோனே போற்றி
ஓம் பயங்கர ஆயுதனே போற்றி
ஓம் பகையளிப்பவனே போற்றி
ஓம் பரசு ஏந்தியவனே போற்றி
ஓம் பலிபீடத்து உறைவோனே போற்றி
ஓம் பாபம் தீர்ப்பவனே போற்றி
ஓம் பால பைரவனே போற்றி
ஓம் பாம்பணிந்த தெய்வமே போற்றி
ஓம் பிரளயகாலனே போற்றி
ஓம் பிரம்ம சிரச்சேதனே போற்றி
ஓம் பூஷண பைரவனே போற்றி
ஓம் பூதங்களின் நாதனே போற்றி
ஓம் பெரியவனே போற்றி
ஓம் பைராகியர் நாதனே போற்றி
ஓம் மல நாசகனே போற்றி
ஓம் மகோதரனே போற்றி
ஓம் மகா பைரவனே போற்றி
ஓம் மலையாய் உயர்ந்தவனே போற்றி
ஓம் மகா குண்டலனே போற்றி
ஓம் மார்த்தாண்ட பைரவனே போற்றி
ஓம் முக்கண்ணனே போற்றி
ஓம் முக்தியருள்வோனே போற்றி
ஓம் முனீஸ்வரனே போற்றி
ஓம் மூலமூர்த்தியே போற்றி
ஓம் யமவாதனை நீக்குபவனே போற்றி
ஓம் யாவர்க்கும் எளியவனே போற்றி
ஓம் ருத்ரனே போற்றி
ஓம் ருத்ராட்சதாரியே போற்றி
ஓம் வடுக பைரவனே போற்றி
ஓம் வடுகூர் நாதனே போற்றி
ஓம் வடகிழக்கு அருள்வோனே போற்றி
ஓம் வடைமாலைப் பிரியனே போற்றி
ஓம் வாரணாசி வேந்தே போற்றி
ஓம் வாமனர்க்கு அருளியவனே போற்றி
ஓம் விரும்பியதை அருள்வோனே போற்றி
ஓம் விபீஷண பைரவனே போற்றி
ஓம் வீழாமல் காப்பவனே போற்றி போற்றி!    

வியாக்ரபாதீஸ்வரர் கோவில்

வியாக்ரபாதீஸ்வரர் கோவில்

பாவங்களை போக்கும் வியாக்ரபாதீஸ்வரர் கோவில்



     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753

வட பகுதியைப் போலவே தென் பகுதியிலும் வியாக்ரபாதீஸ்வரர், பதஞ்சலியுடன் இருந்து அருள்புரிந்த தலம் இதுவாகும். இந்த ஸ்தல வரலாற்றை அறிந்து கொள்ளலாம்.

கோவில் தோற்றம்
உத்திரதேசத்தை சிங்கவர்மன் தவறான முறையில் ஆட்சி செய்தான். அதனால் அவனது அரியணை பறிபோனது. இதையடுத்து காட்டுப்பகுதியில் அலைந்து திரிந்தான். வெயிலில் துவண்டு, தாகத்தினால் ஓரிடத்தில் மயங்கிச் சரிந்தான். அப்போது அங்கு வந்த வழிப்போக்கன் “அருகே தில்லை வனத்தின் நடுவில் குளம் இருக்கிறது. அங்கு சென்றால் தாகம் தணிக்கலாம்” என்றான்.

சிங்கவர்மன் மகிழ்ந்தான். வழிப்போக்கன் காட்டிய திசையில் சென்று, தில்லை வனத்திலே குளம் இருக்க கண்டான். அதன் நீரை அள்ளிப்பருகி தாகம் தணித்தான். தாகம் தீர்ந்தவுடன் புத்துணர்வு பெற்றான். அந்த நேரத்தில் குளத்திற்குள் புலி வடிவமும், பாம்பு வடிவமும் கொண்ட இரண்டு முனிவர்கள் தவம் இயற்றிக் கொண்டிருப்பதைக் கண்டான்.


அந்த முனிவர்களை நோக்கி வணங்கி நின்றான். சிங்கவர்மனைக் கண்டதும், “சிங்கவர்மனே! நான் பதஞ்சலி. இவர் வியாக்ரபாதர். மனுநீதி தவறாது ஆளும் மன்னனாக உன்னைக் காண நாங்களும் ஆசைக் கொண்டிருந்தோம். ஆனால் அதற்குள் உன் நிலைமை இப்படி ஆகி விட்டது” என்றார் பதஞ்சலி முனிவர்.

தன் தவறை உணர்ந்துவிட்டிருந்த சிங்கவர்மன், “என் பாவம் தீர நான் என்ன செய்ய வேண்டும்?” என்று கேட்டான்.

“நீ இந்த குளத்திலே மூழ்கி எழுந்து வா. உன்னுடைய பாவம் தீரும்” என்றனர், முனிவர்கள்.

சிங்கவர் மனும் அவ்வாறே செய்தான். அவன் பாவம் நீங்கியது. புதுப்பொலிவு பெற்ற அவன், முனிவர்களிடம், “ரிஷிகளே! இந்த இடத்தில் நீங்கள் தவம் செய்த நோக்கம் என்ன?” என்று கேட்டான்.

“இந்த தில்லை வனம் பரம ரகசியமான முக்கியமான ஸ்தலமாகும். இந்த தீர்த்தம் சிவனுடைய வடிவமானது. அதனால் இதற்கு ‘சிவகங்கை’ என்று பெயர். இந்த அகண்ட வனத்துக்குள் தான் நடேச பெருமான் திருநடனம் புரிந்தார். அதனை நாங்கள் தவத்தினால் கண்டு களித்துக் கொண்டிருந்தோம்” என்றனர் ரிஷிகள்.

“நானும் அரச வாழ்வை துறந்து, இங்கேயே தங்கி விடுகிறேன்” என்றான், சிங்கவர்மன்.

ஆனால் அதை முனிவர்கள் தடுத்தார்கள். “அரசன் சகல உயிர்களையும் காக்கும் பொறுப்புடையவன். நீ அரசனாக இருப்பதே உயிர்களுக்கு நல்லது. நீ வனத்தில் இருக்கக்கூடாது”

உடனே சிங்கவர்மன், “அப்படியானால் நீங்கள் கண்டுகளிக்கும் நடேசபெருமானின் திருநடனத்தை எனக்கும் காட்டியருள வேண்டும்” என்று வேண்டினான்.

முனிவர்கள் அருளினால் சிங்கவர்மனுக்கும், நடராஜரின் நடனக்காட்சி தரிசனம் கிடைத்தது. அதை கண்டு ஆனந்த கண்ணீர் வடித்தான்.

“ரிஷிகளே! சிவபெருமானுக்காக நான் ஏதாவது செய்ய வேண்டும்?” என்று கேட்டான்.

அதற்கு முனிவர்கள், “இத்தலம் ஏனைய தலங்களுக்கெல்லாம் மணிமகுடம் போன்றது. ஆகவே, இங்கு அற்புதமான ஆலயம் ஒன்றை உருவாக்கி அதில் சிவபெருமானை பிரதிஷ்டை செய்வாயாக” என்று கூறினார்கள்.

அதை கேட்டு ஆனந்தமடைந்த சிங்கவர்மன், முனிவர்களிடம் ஆசிபெற்று, அரண்மனை திரும்பினான். அவனுக்கு மீண்டும் அரியணை கிடைத்தது. பின்னர் ஆலயப் பணிகளை தொடங்கினான்.

இதனால் ‘தில்லை’ என்றும், ‘திருச்சிற்றம்பலம்’ என்றும் பெருமையுடன் அழைக்கப்படும் ‘சிதம்பரம்’ மாநகர் உருவானது.

தட்சிணாமூர்த்தி, சிவகாமி அம்மன், வியாக்ரபாதீஸ்வரர்

இதே கதையைக் கொண்டதுதான் தென் தில்லை என்று அழைக்கப்படும் செய்துங்க நல்லூர். வட பகுதியைப் போலவே தென் பகுதியிலும் வியாக்ரபாதீஸ்வரர், பதஞ்சலியுடன் இருந்து அருள்புரிந்த தலம் இதுவாகும்.

இத்தல இறைவன் வியாக்ரபாதீஸ்வரர் என்றும், அம்பாள் சிவகாமி அம்மை என்றும் அழைக்கப்படுகின்றனர். தாமிரபரணியாறு தற்போது ஓடுவதை விட சற்று மேற்காக சுமார் ஆயிரம் ஆண்டுகளுக்கு முன்பு ஓடியுள்ளது. அவ்விடத்தில் கூழையாற்று தீர்த்தம் ஒன்றுள்ளது. அந்த காலகட்டத்தில் ஜெயதுங்க பாண்டியன் என்னும் அரசன், முறப்பநாட்டை தலைநகராக கொண்டு ஆட்சி செய்து வந்தான்.

இந்த மன்னன் பெயரால் இதனருகே உள்ள அனவரதநல்லூர் என்னும் ஊர், ‘செய்துங்க நாட்டு சதுர்வேதி மங்கலம்’ என்றழைக்கப்படுகிறது. இதை ‘வரதுங்கநல்லூர்’ என்றும் அழைத்துள்ளனர். ‘செய்துங்கன்’ என்றால் ‘வெற்றி திருமகன்’ என்று பொருள். இவர் எங்கு சென்றாலும் வெற்றிதான். செய்துங்கன் ஒரு முறை வேட்டையாட தாமிரபரணி கரையில் உள்ள கூழையாற்றுக்கு வந்தார். அங்கே வியாக்ரபாதீஸ்வரர் மற்றும் பதஞ்சலி முனிவர் தவமிருந்த தென் சிவகங்கை குளக்கரை காணப்பட்டது. அதில் அவர்கள் சிவனை வைத்து வணங்கி வந்தனர். மோன நிலையில் அவர்கள் இருந்த இடத்துக்கு ராஜா வந்த போது, ஒரு அதிர்வு ஏற்பட்டது.

மன்னனுக்கு காட்சி அளித்த சிவன் “வடதில்லையாக சிதம்பரத்தில் காட்சி தந்தது போல, இங்கேயும் நாங்கள் காட்சி தர விரும்புகிறோம். எனவே எங்களுக்கு கோவில் கட்டி வணங்கு” என்று சிவன் கூறினார்.

அதன்படி செய்துங்க மகாராஜன் கோவிலை கட்டினார். அதன்பின் தான் பதஞ்சலி முனிவர், ராமேஸ்வரம் சென்று சமாதி நிலை அடைந்தார். எனவே இது மிக பழமையான ஆலயம் என்கிறார்கள் ஆன்மிக அன்பர்கள்.

இத்தல சிவபெருமானுக்கு, ‘வியாக்ரபாதீஸ்வரர், கூழையாற்று நாதர், திருவரங்கேஸ்வரர், திருப்புலிஸ்வரமூடையார்’ போன்ற பெயர்கள் உண்டு, தாயார் பெரிய நாச்சியார் மற்றும் சிவகாமி அம்மை என்று அழைக்கப்படுகிறார். இதே சிறப்பை உணர்த்தும் வண்ணம் இந்த ஊரில் திருவரங்க செல்விஅம்மன் என்ற ஆலயம் சற்று மேற்கே வாய்கால் கரையில் அமைந்துள்ளது. இந்த ஊரில் உள்ள கால்வாய் வடக்கில் இருந்து தெற்கு நோக்கி பாய்வதால், இவ்வூரை ‘தட்சண கங்கை’ என்றும் அழைக்கிறார்கள். சிதம்பரத்தினை போலவே தில்லை அம்பல நாடராஜராக இவர் விளங்குவதால், செய்துங்கநல்லூரை ‘தென்சிதம்பரம்’ என்கிறார்கள். இவ்வூரில் திருவரங்க செல்வி, திருவரங்க பெருமாள் ஆலயங்கள் உள்ள காரணத்தினால் இவ்வூர் தென் ‘ஸ்ரீரெங்கம்’ எனவும் அழைக்கப்படுகிறது.

இங்கு கழனியில் வேலைசெய்யும் பெண்கள், தங்களது குழந்தைகளை மரத்தில் தொட்டில் கட்டி தூங்க வைத்துவிட்டு வேலை செய்வார்களாம். பொதிகை மலையில் இருந்து வரும் தென்றல் காற்றின் சுகத்தில் அந்த குழந்தைகள் அயர்ந்து தூங்கி விடுமாம். இதனால் இந்த ஊர் ‘சேய் தூங்க நல்லூர்’ என்று அழைக்கப்பட்டு, அதுவே மருவி ‘செய்துங்கநல்லூர்’ என்று வழங்கப்பட்டது.

இங்குள்ள யோக தட்சிணாமூர்த்தி வியாக்ரபாதீஸ்வரருக்கும், பதஞ்சலிக்கும் மோன நிலையில் அருள் உபதேசம் செய்வதாக ஐதீகம். எனவே கல்வி பெருகவும், நினைவாற்றல் பெருகவும், உயர்ந்த நிலையை அடையவும் இந்த தட்சிணாமூர்த்தியை வணங்கி செல்கிறார்கள்.

இந்தக் கோவிலில் தொடர்ந்து வணங்கினால் ஆன்ம பலம் பெருகும். சனிக்கிழமை தோறும் நவக்கிரகங்களை சுற்றி வணங்கினால் நவக்கிரக தோஷம் நீங்கும். ஆணவம், மாயை, கண்மம் ஆகிய மும் மலங்கள் அகலும். யோகநிலையில் இங்கு தட்சிணா மூர்த்தி இருப்பதால் கல்வி பெருகி நோயற்ற தன்மை ஏற்படும். இங்குள்ள சிவனை வணங்கினால் மரண பயம் நீங்கி 16 செல்வங்களும் கிடைக்கிறது.

இந்த ஆலயம் தினமும் காலை 7 மணி முதல் 9 மணி வரையிலும், மாலை 4 மணி முதல் இரவு 7 மணி வரையிலும், பக்தர்கள் தரிசனம் செய்வதற்காக திறந்து வைக்கப்பட்டிருக்கும்.

அமைவிடம்

திருநெல்வேலி -திருச்செந்தூர் ரெயில் மார்க்கம் மற்றும் பஸ் மார்க்கத்தில் செய்துங்கநல்லூரில் இறங்கி, அங்கிருந்து அரை கிலோமீட்டர் சென்றால் கோவிலை அடையலாம். ஆட்டோ வசதி உண்டு.

ஸ்வர்ண ஹர்ஷண பைரவர் கோவில் - ஈரோடு

ஸ்வர்ண ஹர்ஷண பைரவர் கோவில் - ஈரோடு
Sourna-kharshana-bairavar-temple-erode

பிரமிப்பூட்டும் ஸ்வர்ண ஹர்ஷண பைரவர் கோவில்- ஈரோடு


     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753

ஆசியாவிலேயே மிக பிரமாண்டமாக, ஈரோடு மாவட்டத்தில் ஸ்வர்ண ஹர்ஷண பைரவர் கோவில் உருவாகி வருகிறது.

ஸ்வர்ண ஹர்ஷண பைரவர்
ஆசியாவிலேயே மிக பிரமாண்டமாக, ஈரோடு மாவட்டத்தில் ஸ்வர்ண ஹர்ஷண பைரவர் கோவில் உருவாகி வருகிறது. தமிழகத்தில், பைரவருக்கு ஒரு சில இடங்களில் தனிக்கோவில்கள் உள்ளன. ஆனாலும், ஸ்வர்ண ஹர்ஷண பைரவர் கோவில், ஈரோடு மாவட்டம், அவல்பூந்துறையை அடுத்த, ராட்டை சுற்றிப்பாளையம் கிராமத்தில், பல சிறப்புகளுடன் ஒரு ஏக்கர் பரப்பளவில், உருவாகி வருகிறது.

கோவில் என்றாலே, ராஜகோபுரம் தான் பிரமாண்டமாக இருக்கும். இங்கு ராஜகோபுரத்துக்குப் பதில், 33 அடி உயரத்தில் பிறந்த மேனியாக கால பைரவர் சிலை வடிவமைக்கப்படுகிறது.


மேலும், 125 அடி நீள கலை நயமிக்க மண்டபம், அதை சுற்றிலும், 63 பைரவர்கள் வீற்றிருக்கும் வகையிலும், கர்ப்பகிரக கோபுரம், பிரமிடு முறையிலும் உருவாக்கப்படுகிறது.

பிரமாண்ட கோவிலை, அமைத்து வரும், விஜய் சுவாமிகள் கூறியதாவது:

அடிக்கடி கனவில் பைரவர் தோன்றியதால், நாம் ஏன் பைரவருக்கு கோவில் கட்டக்கூடாது என்கிற எண்ணம் தோன்றியது. அதன் வெளிப்பாடு தான், ஐந்து ஆண்டுகளாக தனி மனிதனாக நின்று கோவில் கட்டும் பணிகளில் போராடி வருகிறேன். என் பணிகள் பாதி முடிந்தன.

உள்நாடு, வெளிநாடு சுற்றுலா பயணியர் கண்டுகளிக்கவும், பக்தர்கள் வணங்கும் கோவிலாகவும், கால பைரவர் கோவில் உருவாகும் என்ற நம்பிக்கை உள்ளது.

அஷ்டலிங்க லிங்கம் தரிசன பலன்கள்

அஷ்டலிங்க லிங்கம் தரிசன பலன்கள்
Thiruvannamalai-Shiva-Lingam


     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753


திருவண்ணாமலையில் அஷ்டலிங்கம் என எட்டு வித லிங்கங்கள் உள்ளன. இந்த எட்டு லிங்கங்களும் மனிதனுடைய ஓவ்வொரு காலகட்டத்தை குறிக்கின்றது.

அஷ்டலிங்க லிங்கம்
திருவண்ணாமலையில் அஷ்டலிங்கம் என எட்டு வித லிங்கங்கள் உள்ளன. இவைகள் ஓவ்வொன்றும் ஓவ்வொரு திசையை நோக்கி அமைக்கப்பட்டுள்ளன.
ஓவ்வொரு லிங்கமும் உலகில் இருக்கும் வெவ்வேறு திசைகளை குறிக்கின்றது. இந்த எட்டு லிங்கங்களின் பெயர்கள் இந்திரலிங்கம், அக்னிலிங்கம், எமலிங்கம், நிருதிலிங்கம், வருணலிங்கம், வாயுலிங்கம், குபேரலிங்கம், ஈசானியலிங்கம் என்று அழைக்கப்படுகிறது.


 இந்த எட்டு லிங்கங்களும் மனிதனுடைய ஓவ்வொரு காலகட்டத்தை குறிக்கின்றது. அத்துடன் பக்தர்களின் நன்மைக்காக பல நன்மைகளால் அருள்புரிந்து சிறப்பான வாழ்க்கை அமைய வழி செய்கிறது. இந்த எட்டு லிங்கங்களும் எட்டு நவக்கிரகங்களை குறிக்கிறது. இந்த 8 லிங்கங்களை வேண்டி வணங்கும் பக்தர்களுக்கு நன்மைகள் கிடைக்கும்.

கிரிவலம் வரும் வழியில் முதலில் தோன்றுவது இந்திரலிங்கம். இந்தலிங்கம் கிழக்கே பார்த்து அமைக்கப்பட்டுள்ளது. இந்த லிங்கம் பூலோக தேவனான இந்திரதேவனால் நிறுவப்பட்டது.

சூரியனின் மற்றும் சுக்கிரனின் ஆட்சியில் உள்ள இந்த லிங்கத்தை வணங்கும் பக்தர்களுக்கு நீண்ட ஆயுளும் பெருத்த செல்வமும் கிடைக்கும்.
இரண்டாவது லிங்கம் அக்னிலிங்கம். இந்த லிங்கம் தென்கிழக்கு திசையை நோக்கியுள்ளது. இந்த லிங்கத்தின் சிறப்பம்சம் என்னவென்றால் இது கிரிவ லம் செல்லும் வழியில் இடது புறம் இருக்கும் ஒரே லிங்கம் ஆகும்.

அக்னிலிங்கத்தை பிரார்த் தனை செய்யும் பக்தர்கள் நோயின்றி முழு ஆரோக்கி யத்துடன் வாழ்வார்கள் என நம்பபடுகிறது. இந்த லிங்கத்தின் கிரகம் சந்திரன். மேலும் சந்திரகிரகம் என்பதால் வாழ்க்கையில் வரும் இடஞ்சல்களை அகற்றும் சக்தியுள்ளது என நம்புகிறார்கள்.

கிரிவலத்தில் மூன்றாவது லிங்கமாக அமைந்துள்ள லிங்கம் யமலிங்கமாகும். இந்த லிங்கம் தெற்கு திசையை நோக்கியுள்ளது யமதர்மனால் நிறுவப்பட்ட லிங்கம் என கூறப்படுகிறது. இது செவ்வாய் கிரகத்திற்கு உட்பட்ட லிங்கம். இதன் அருகில் சிம்ம தீர்த்தம் உள்ள தெப்பகுளம் அமைந்துள்ளது. இதை வேண்டுபவர்கள் பண நெருக்கடி இல்லாமல் சந்தோஷமாக வாழலாம்.

கிரிவலப்பாதையில் நான்காவதாக உள்ள லிங்கம் நிருதி லிங்கம். இதன் திசை தென்கிழக்காகும். இதனுடைய கிரகம் ராகுவாகும். பூதங்களின் ராஜாவால் இந்த லிங்கம் நிறுவப்பட்டது. சனி தீர்த்தம் என அழைக்கப்படும் தெப்பகுளம் இதன் அருகில் உள்ளது. இதை வழிபடும் பக்தர்கள் நிம்மதியாக பிரச்சினைகளின்றி வாழலாம்.

கிரிவலம் பாதையில் ஐந்தாவதாக உள்ள லிங்கம் வருண லிங்கம். இதற்குரிய திசை மேற்கு. மழைதரும் வருணதேவனால் இந்த லிங்கம் நிறுவப்பட்டது. இந்த லிங்கத்தை ஆட்சி செய்யும் கிரகம் சனி பகவான்.

இங்கு வருண தீர்த்தம் என்னும் தெப்பகுளம் உள்ளது. சமூகத்தில் முன்னேற்ற மடையவும் கொடிய நோய்களிலிருந்து தப்பிக்கவும் இந்த லிங்கத்தை பக்தர்கள் பிரார்த்தனை செய்ய வேண்டும்.

ஆறாவதாக உள்ள லிங்கம் வாயு லிங்கம். இந்த லிங்கம் வடமேற்கு திசையை நோக்கியுள்ளது. வாயு பகவானால் இந்த லிங்கம் நிறுவப்பட்டது. இதை ஆட்சி செய்யும் கிரகம் கேதுவாகும். இந்த லிங்கத்தை வழிபட்டு வந்தால் இருதயம், வயிறு, நுரையிரல், மற்றும் பொதுவாக வரும் நோய்களிலிருந்து காத்து கொள்ளலாம்.

கிரிவலத்தில் உள்ள ஏழாவது லிங்கம் குபேர லிங்கம். வடதிசையை நோக்கியுள்ள இந்த லிங்கம் குருவை ஆட்சி கிரகணமாக கொண்டுள்ளது.
செல்வத்தை வழங்கும் குபேர தெய்வத்தினால் இந்த லிங்கம் நிறுவப்பட்டது. பக்தர்கள் செல்வ செழிப்புடன் திகழ இந்த லிங்கத்தை பிரார்த்தனை செய்ய வேண்டும்.

கிரிவலத்தில் உள்ள கடைசி லிங்கம் ஈசானிய லிங்கம். வடகிழக்கை நோக்கியுள்ள இந்த லிங்கம் ஈசானிய தேவரால் நிறுப்பட்டது. புதன் கிரகம் இந்த லிங்கத்தை ஆட்சி செய்கிறது. இந்த லிங்கத்தை வழிபட்டு வரும் பக்தர்கள் மனஅமைதியுடனும், அனைத்து காரியங்களிலும் வெற்றி மீது வெற்றி பெற்று திகழ்வார்கள்.

காஞ்சி விளக்கொளி பெருமாள் - Kanchi Vilakkoli Perumal

காஞ்சி விளக்கொளி பெருமாள்  - Kanchi Vilakkoli Perumal

கார்த்திகையன்று காஞ்சிபுரத்தில் உள்ள விளக்கொளி பெருமாள் கோவிலிலும் தீபம் ஏற்றி வழிபடுகின்றனர். அதற்கான காரணத்தை அறிந்து கொள்ளலாம்.

காஞ்சி விளக்கொளி பெருமாள்  - Kanchi Vilakkoli Perumal

     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753

விளக்கொளி பெருமாள்

கார்த்திகையன்று காஞ்சிபுரத்தில் உள்ள விளக்கொளி பெருமாள் கோவிலிலும் தீபம் ஏற்றி வழிபடுகின்றனர். பூமியில் தனக்கு கோவில் இல்லை என்பதால் பிரம்மன், சிவனை நோக்கி யாகம் நடத்தினார்.

அப்போது அவர் தன் மனைவி சரஸ்வதியை உடன் வைத்துக் கொள்ளவில்லை. இதனால் யாகம் முழுமை பெறவில்லை.

யாகத்துக்கு அழைக்காததால் கோபத்தில் இருந்த சரஸ்வதியை விஷ்ணு பகவான் சமாதானம் செய்தார். பிறகு விஷ்ணு ஜோதியாக மாறி நின்றார். இதனால் யாகம் தடையின்றி நடந்து முடிந்தது. எனவே காஞ்சீபுரம் பெருமாளுக்கு விளக்கொளி பெருமாள் என்ற பெயர் ஏற்பட்டது. கார்த்திகை தினத்தில் இந்த பெருமாள் சன்னதியில் தீபம் ஏற்றி வணங்கினால் நினைத்தது நடக்கும் என்பது ஐதீகமாகும்.

திருவண்ணாமலை பற்றிய 30 தகவல்கள்

திருவண்ணாமலை பற்றிய 30 தகவல்கள்
Thiruvannamalai Arunachaleswarar 30 Information



     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753

திருவண்ணாமலை ஈசனை மனதில் தினமும் நினைத்தால் நிச்சயம் முக்தி கிடைக்கும் என்று மார்க்கண்டேய முனிவரிடம் நந்தி பகவான் அருளியுள்ளார்.

திருவண்ணாமலை அருணாசலேஸ்வரர்
1. திருவண்ணாமலை தலத்தைச் சுற்றி 1008 லிங்கங்கள் புதைந்து இருப்பதாகக் கூறப்படுகிறது.

2. திருவண்ணாமலை ஈசனை மனதில் தினமும் நினைத்தால் நிச்சயம் முக்தி கிடைக்கும் என்று மார்க்கண்டேய முனிவரிடம் நந்தி பகவான் அருளியுள்ளார்.

3. வல்லாள மன்னன் நினைவு நாளில் அவனுக்கு இன்றும் திருவண்ணாமலை ஈசன் திதி கொடுக்கிறார்.

4. வினையை நீக்கும் மலை உருவில் திருவண்ணாமலை உள்ளது.

5. திருஞான சம்பந்தர் தாம் பாடிய ஒவ்வொரு பதிகத்திலும் 9-வது பாடலில் அண்ணாமலையாரை குறிப்பிட்டுள்ளார்.

6. திருவண்ணாமலை ஈசனை ''தீப மங்கள ஜோதி நமோ நம“ என்று அருணகிரிநாதர் திருப்புகழில் பாடியுள்ளார்.

7. ஆடி மாதம் பூரம் தினத்தன்று உண்ணாமலை அம்மன் சன்னதி முன்பு தீ மிதித்தல் நடைபெறும். இதை வேறு எந்த சிவாலயத்திலும் பார்க்க முடியாது.

8. திருவண்ணாமலை தலத்தில் தான் முதன் முதலில் லிங்க வழிபாடு தொடங்கியது.

9. மகா சிவராத்திரி தொடங்கியது இந்த தலத்தில் தான் என்று புராணங் களில் குறிப்படப்பட்டுள்ளது.

10. கோவில்களில் விக்கிரகங்களை பிரதிஷ்டை செய்யும் போது அஷ்ட பந்தனம் செய்வது தான் வழக்கம். ஆனால் திருவண்ணாமலை தலத்தில் தங்கத்தைத் கொண்டு சொர்ண பந்தம் செய்து லிங்கத்தை பிரதிஷ்டை செய்துள்ளனர்.

11. திருவண்ணாமலை கார்த்திகை தீபத்துக்கு நிகராக வந்த சிவாலயத்தி லும் ஜோதி வழிபாடு நடப்பதில்லை.

12. திருவண்ணாமலையில் ஏற்றப்படும் கார்த்திகை தீபம், அண்ட சராசரங்களுக்கும் தீப விளக்காக கருதப்படுகிறது.

13. திருவண்ணாமலையில் கார்த்திகை தீப தரிசனத்தை ஒரு தடவை செய்தாலே, அது 21 தலைமுறைக்கு புண்ணியம் சேர்க்கும் என்று தல புராணப் பாடலில் கூறப்பட்டுள்ளது.

14. திருவண்ணாமலை கார்த்திகை தீபம் ஒரு வாரம் வரை எரியும்.

15. கார்த்திகை தீப திருவிழாவில் ஒருநாள் அண்ணாமலையாரும், உண்ணாமலை அம்மனும் ஒன்று சேர கிரிவலம் வருவார்கள். அவர்களுடன் பக்தர்களும் சேர்ந்து வருவது புண்ணியமாகக் கருதப்படுகிறது.

16. திருவண்ணாமலையில் ஏற்றப்படும் தீபம், உலகத்தை எல்லாம் இயக்குகின்ற பரம்பெ£ருள் ஒன்றே என்பதை ''இறைவன் ஒருவனே“ என்ற தத்துவத்தை உணர்த்துகிறது.

17. கார்த்திகை தீபத்தன்று அதிகாலை திருவண்ணாமலை கோவிலில் பரணி நேரத்தில் ஏற்றப் படும் பரணி தீபத்தை அங்குள்ள கால பைரவர் சன்னதியில் வைத்து விடுவார்கள். பிறகு மாலையில் அதைத்தான் மலை உச்சிக்கு எடுத்துச் சென்று மகா தீபத்தை ஏற்றுவார்கள்.

18. திருவண்ணாமலை தீபத்தை காண கடந்த ஆண்டு (2018) சுமார் 25 லட்சம் பக்தர்கள் திரண்டனர். இந்த ஆண்டு அந்த எண்ணிக்கை மேலும் உயரும் என்று எதிர் பார்க்கப்படுகிறது.

19. திருவண்ணாமலை மலை உச்சியில் தீபம் ஏற்றப்பட்டதும் வணங்கினால் பாவம் நீங்கி பிறவிப் பிணியை அறுக்க வல்லது என்பது ஐதீகமாகும்.

20. திருவண்ணாமலையில் தீபம் ஏற்றப்பட்டதும், ''அண்ணாமலை யாருக்கு அரோகரா“ என்று பக்தர்கள் முழக்கமிடுவார்கள். இதற்கு என்ன அர்த்தம் தெரியுமா?
''இந்த உடம்பு நான் என்னும் எண்ணத்தை அழித்து, மனதை ஆன்மாவில் அழித்து, உள்முகத்தால் அத்னவத ஆன்ம ஜோதியைக் காண்பது தான் இந்த தீப தரிசனம் ஆகும்“- இதை சொல்லி இருப்பவர் ரமண மகரிஷி.

21. பஞ்சபூத தலங்களில் இது நெருப்புக்குரிய தலம்.

22. இங்கு மலையே இறைவனின் சொரூபமாக உள்ளது.

23. பிள்ளைப்பேறு இல்லாதவர்கள் அண்ணாமலையாரை வேண்டி குழந்தை பிறந்ததும் திருக்கோவிலுக்கு வந்து அர்ச்சனை ஆராதனை செய்து கரும்பு கட்டுகள் கொண்டு வந்து புதிய புடவையினால் தொட்டில் கட்டி அதில் குழந்தையை படுக்க வைத்து மாடவீதி வலம் வந்து பிரார்த்தனை செலுத்துவது எந்த திருக்கோவிலிலும் இல்லாத பிரார்த்தனை சிறப்பாகும்.

24. அருணகிரி நாதரின் வாழ்வில் அருள் திருப்பம் ஏற்படக் காரணமாக இருந்த தலம் இது தான்.

25. மூன்றாம் பிரகாரத்தில் தலவிருட்ச மான மகிழ மரம் உள்ளது. குழந்தை பாக்கியமற்றவர்கள் இறைவனை வேண்டிக் கொண்டு துணியால் செய்யப்பட்ட சிறிய தொட்டில்களை இம்மரத்தின் கிளைகளில் கட்டு வார்கள். அவர்களுடைய வேண்டு தல் நிறைவேறியவுடன் தங்கள் குழந்தைகளுடன் இத்திருக்கோவிலுக்கு வந்து தாங்கள் கட்டியிருந்த துணித் தொட்டில்களை நீக்கி விட்டு காணிக்கை செலுத்துவது வழக்கமாக உள்ளது.

26. கோவிலுக்குள் நுழைந்தவுடனே சர்வசித்தி விநாயகருக்கு வலது பக்கம் உள்ள பாதாள லிங்கேஸ்வரர் சன்னதியை காணலாம். இது ரமணர் தலம் செய்த இடம். அங்கு அவசியம் தரிசிக்க வேண்டும்.

27. வண்ணச்சரபம் தண்டபாணி சுவாமிகள் முருகப் பெருமானுக்குச் சார்த்திய வேல் இன்றுமுள்ளது.

28. விசுவாமித்திரர், பதஞ்சலி வியாக்ரபர்தர், அகத்தியர், சனந்தனர் முதலானோர் வழிபட்ட லிங்கங்கள் உள்ளன.

29. 25 ஏக்கர் நிலப்பரப்பில் ஏழு பிரகாரங்களுடன் அமைந்துள்ள இத்திருக்கோவில் திருவெம்பாவை பாடப்பட்ட சிறப்பினை உடையது.

30. வள்ளல் பச்சையப்பர் இக்கோயிலில் அர்த்த சாமக்கட்டளைக்கு ஒரு லட்சம் வராகன் வைத்துள்ள செய்தியைத் தெரிவிக்கும் கல்வெட்டு ஒன்று கோயிலில் உள்ளது.

Steaming on Face once in a week

Steaming on Face once in a week


Steaming on Face once in a week


     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753

உடற்பயிற்சி செய்தால் தொப்பை குறையும் என்பது சாத்தியமா?

உடற்பயிற்சி செய்தால் தொப்பை குறையும் என்பது சாத்தியமா?


     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753



உடற்பயிற்சி செய்தால் தசைகள் வலுப்பெறும். ஆனால் தொப்பை குறையுமா? பலரும் உடற்பயிற்சி தொப்பையை குறைக்கும் என்றே நம்பிக் கொண்டிருக்கிறார்கள்.

உடற்பயிற்சி
உடற்பயிற்சி செய்தால் தசைகள் வலுப்பெறும். ஆனால் தொப்பை குறையுமா? பலரும் உடற்பயிற்சி தொப்பையை குறைக்கும் என்றே நம்பிக் கொண்டிருக்கிறார்கள். உடற்பயிற்சி செய்தால் நன்றாக பசியெடுக்கும், அதனால் அதிகம் சாப்பிடுவார்கள். எனவே எடை குறைப்பது சாத்தியமான ஒன்றல்ல.

உடற்பயிற்சி ஜீரண மண்டலத்தை தூண்டி விடுகிறது. இதனால் நன்கு பசித்தால் ஆரோக்கியம் கூடுவதாகவே பொருள். சந்தேகமில்லாமல் உடற்பயிற்சி நல்ல விளைவுகளை தருகிறது. அரைமணி நேர உடற்பயிற்சி உடல் நலத்திற்கு மட்டுமல்ல மனநலத்திற்கும் நல்லதுதான். தொப்பை இதற்கெல்லாம் மசிந்து விடுமா என்ன? உடற்பயிற்சி செய்து ஆயிரம் கலோரி எரித்துவிட்டு இரண்டாயிரம் கலோரி உள்ளே தள்ளினால் வெளியே தள்ளிய வயிறு உள்ளே போகுமா? வாக்கிங், உடற்பயிற்சி இதையெல்லாம் பலர் கடனுக்கு செய்கிறார்கள். இன்று மருத்துவர் சொன்னார் என்பதற்காக மட்டுமே செய்கிறார்கள்.


வாயைக்கட்டினால் வயிற்றைக் கட்டலாம் என்று சொல்வார்கள். பெரும்பாலானவர்களுக்கு இது முடியாமல் போய்விடுகிறது. உணவை உள்ளே தள்ளுவதில் விழிப்புணர்வு இல்லை என்பதே சரி. நாக்கை அடக்கினால் மட்டுமே தொப்பையையும், பருமனையும் கட்டுப்படுத்த முடியும்.

உடலுக்கு தேவையான நுண்ணூட்டச் சத்துக்களும் போதுமான அளவு சேர்ந்து ஆரோக்கியத்தை உறுதிப்படுத்தும். இன்றைய குழந்தைகளும் அதிக பருமனாகி வருகிறார்கள். அவர்களுக்கான உணவைத் தேர்ந்தெடுப்பதில் நாம் கவனமில்லாமல் இருப்பதே காரணம்.

உடற்பயிற்சி உடல்நலத்திற்கும் மனநலத்திற்கும் பொதுவாக பரிந்துரைக்கப்படுகிறது. மிக அவசியமானதும் கூட! ஆனால் தொப்பையை கரைத்துவிடும் என்பதற்கான உத்தரவாதம் தருவது சாத்தியமல்ல! உணவு முறையில் மாற்றம் கொண்டு வருவதே ஒரே வழி.

மிளகாய் மருத்துவ குணங்கள் - Chilli Medical Benefits

மிளகாய் மருத்துவ குணங்கள்  - Chilli Medical Benefits



     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753


இந்திய மிளகாயில் பல்வேறு வகைகள் உள்ளன. ஒவ்வொன்றிலும் சில முக்கிய மருத்துவ குணங்கள் இருக்கின்றன.

மிளகாய்
உலக அளவில் தரமான மிளகாய் வகைகள் பெரும்பாலும் இந்தியாவில் இருந்துதான் ஏற்றுமதி செய்யப்படுகின்றன. நம் நாட்டில் ஆந்திரா, மகாராஷ்டிரா, கர்நாடகம், ஒடிசா மற்றும் ராஜஸ்தான் ஆகிய மாநிலங்களில் அதிகப்படியான மிளகாய் விளைச்சல் நடக்கிறது.

காஷ்மீரி (நிறத்துக்காக பயன்படுத்தப்படும் மிளகாய்), புக்கட் ஜோல்கா (கோடை வெப்பத்துக்கு தீர்வு தரும் மிளகாய்), குண்டூர் (ஆந்திரப்பிரதேசம், மத்தியப் பிரதேசம்), ஜோவ்லா (குஜராத்), கந்தாரி (கேரளம்) மற்றும் ஹவாரி (கர்நாடகம்) என இந்திய மிளகாயை ஆறு வகையாக பிரிக்கலாம். ஒவ்வொன்றிலும் சில முக்கிய மருத்துவ குணங்கள் இருக்கின்றன. மிளகாயில் வைட்டமின் சி அதிகம் இருப்பதால் செரிமானத்துக்கு உகந்தது. நோய் எதிர்ப்பு சக்தி தர வல்லது.


எடைக் குறைப்பு சிகிச்சை, மலச்சிக்கல், உமிழ்நீர் சுரப்பு, ரத்தத்தின் சர்க்கரை அளவைச் சீராக்குவது போன்ற செயல்பாடுகளில் பச்சை மிளகாய்க்கு முக்கிய பங்குண்டு. ஆனால், அளவுக்கு அதிகமாக மிளகாயை உணவில் சேர்க்கும்போது அஜீரணக் கோளாறு, பெப்டிக் அல்சர், வயிற்றுப் புற்றுநோய் மற்றும் உள் அழற்சி போன்ற பிரச்னைகள் ஏற்படக்கூடும். சிவப்பு மிளகாயில் உள்ள பொட்டாசியம் மற்றும் ஆன்ட்டி ஆக்ஸிடன்ட் உள்ளடக்கம் ரத்த அழுத்தத்தை சீராக வைத்துக்கொள்ளவும் இதய பிரச்னைகளிலிருந்து விடுபடவும் உதவுகிறது.

மிளகாய் வகைகள்

இதிலிருக்கும் ‘கேப்ஸிகன்’ எனும் காம்பவுண்ட் உடல் வளர்சிதை மாற்ற விகிதத்தை அதிகரித்து, தேவையற்ற கொழுப்பைக் குறைக்கிறது. சிவப்பு மிளகாயிலிருந்து பிரித்தெடுக்கப்படும் ஒருவித நொதி, சில வகையான புற்றுநோய்களை குணப்படுத்தவும் பயன்படுத்தப்படுகிறது. பச்சை மிளகாயில் இருக்கும் அதிகப் படியான நீரின் காரணமாக இரண்டு முதல் ஏழு நாட்களில் அழுகிப்போய்விடும். இதுவே அதைப் பொடியாக தயாரிக்கும் வழக்கம் ஏற்படக் காரணமாக அமைந்தது. எனவே, அந்தக் காலத்தில் பச்சை மிளகாயை பழுக்க வைத்து, இரண்டு முதல் ஐந்து நாட்கள் வரை வெயிலில் நன்கு உலரவைத்து, அரைத்து சேமித்து வைத்துக்கொண்டார்கள்.

இப்படி உலர வைக்கும்போது அதிலிருக்கும் காரத்தன்மை குறைவதாலும், தண்ணீரின் உள்ளடக்கம் பச்சை மிளகாயில் அதிகமுள்ளதால் எளிதில் கெட்டுப்போக வாய்ப்பிருந்ததாலும் நாளடைவில் மிளகாய்த்தூள் தயாரிக்கும் முறை வெவ்வேறு செயல்முறைகளுக்கு உட்படுத்தப்பட்டது. உதாரணமாக, பழுத்த மிளகாயை வேக வைத்து, வடிகட்டி, பிறகு உலரவைத்து பொடியாக அரைப்பது ஒரு வகையான செய்முறை. இதனால், பழுத்த மிளகாயில் இருந்து கெட்ட பாக்டீரியா வெளியேற்றப்பட்டு, உலர்த்துவதற்கு மிகவும் எளிதாக மாற்றப்படுகிறது.

வேக வைத்து, உலர வைப்பதால் மிளகாயின் காரத்தன்மை குறைந்து போகும். எனவே, காரத்தன்மையை அதிகரிப்பதற்காக, மிளகாயை வேக வைக்கும்போது அதோடு ‘கால்சியம் ஸ்டோன்’கள் கலக்கப்படுகின்றன. இது நெடியை அதிகரிக்கும். பொடியின் நிறத்தை அடர்த்தியாக்கவும் அதன் பதத்தை கனமாக்கவும் ரெட் ஆக்ஸைடு மற்றும் ரூடோ அமினைன் பி எனும் வேதிப்பொருள்களோடு, ஸ்டார்ச் மற்றும் இதர மாவுகள் கலக்கப்படுகின்றன. பொதுவாக, மிளகாய்த்தூள் தயாரிப்பில் 2 சதவீத வெஜிடபிள் எண்ணெய் பயன்படுத்தலாம் என்பது அனுமதிக்கப்பட்ட அளவு. ஆனால், சிலர் மினரல் எண்ணெய்களைப் பயன்படுத்துகிறார்கள். இவற்றில் புற்றுநோயை ஏற்படுத்தும் நச்சுப் பொருள்கள் அதிகம் உள்ளன.

சிக்கன் பாப்கார்ன் - Chicken-Popcorn

சிக்கன் பாப்கார்ன் - Chicken-Popcorn

சூப்பரான ஸ்நாக்ஸ் சிக்கன் பாப்கார்ன்

ஹோட்டலில் கிடைக்கும் சிக்கன் பாப்கார்ன் குழந்தைகளுக்கு மிகவும் பிடிக்கும். இன்று இந்த ரெசிபியை வீட்டிலேயே எப்படி செய்வதென்று பார்ப்போம்.

     
One to One Share Market Training - 9841986753
         One to One Share Market Training 
 Get Appointment - Whatsapp : 9094047040
Group Share Market Training 
Get Appointment  - Whatsapp - 9841986753


சிக்கன் பாப்கார்ன்
தேவையான பொருட்கள்

சிக்கன் - கால் கிலோ

 கார்ன் ஃப்ளார் -  2 மேஜைக்கரண்டி
முட்டை -  1
பிரெட் தூள் -  1 கப்
உப்பு - தேவையான அளவு
இஞ்சி பூண்டு விழுது - 3/4 மேஜைக்கரண்டி
மிளகு தூள் - 1/4 தேக்கரண்டி
மிளகாய் தூள் - 3/4 தேக்கரண்டி
எண்ணெய் - தேவையான அளவு

சிக்கன் பாப்கார்ன்

செய்முறை

சிக்கனை நன்றாக சுத்தம் சிக்கனை சிறு துண்டுகளாக வெட்டி கொள்ளவும்.

ஒரு பௌலில் மிளகாய் தூள், மிளகு துள், இஞ்சு பூண்டு விழுது, உப்பு சேர்த்து நன்கு கலந்து கொள்ளவும்.

வெட்டி வைத்த சிக்கனை கலந்து வைத்த மசாலா பொருட்களுடன் சேர்த்து கலந்து கொள்ளவும்.

அத்துடன் கார்ன் மாவு சேர்த்து சிக்கன் மேல் தடவி கொள்ளவும்.

மேலும் அதில் முட்டை சேர்த்து கலந்து கொள்ளவும்.

ஒவ்வொரு சிக்கன் துண்டையும் இந்த பிரெட் துளில் தொட்டு எடுக்கவும்.

அடுப்பில் கடாய் வைத்து அதில் எண்ணெய் ஊற்றி சூடானதும அதில் சிக்கன் துண்டுகளை சேர்த்து பொரித்து எடுக்கவும். மொத்தமாக போடாமல் ஒவ்வொரு துண்டாக எண்ணெயில் போட்டு பொரிக்கவும். பொன்னிறமாக வரும்வரை வைத்திருந்து எடுக்கவும்.

பின் சூடாக எடுத்து பரிமாறவும்.